Mabadiliko Baraza la Mawaziri

Rais Jakaya Kikwete amefanya mabadiliko madogo katika Baraza la Mawaziri katika zoezi la kuziba nafasi iliyobaki wazi baada ya kujiuzulu kwa aliyekuwa waziri wa Miundombinu, Andrew Chenge;

Ifuatayo ni taarifa ya mabadiliko hayo iliyotolewa na Ikulu:


TAARIFA YA SERIKALI KWA VYOMBO VYA HABARI


YAH: MABADILIKO MADOGO YA BARAZA
LA MAWAZIRI


Kufuatia kujiuzulu kwa aliyekuwa Waziri wa Miundombinu, Mheshimiwa Andrew Chenge hivi karibuni, Rais wa Jamhuri ya Muungano wa Tanzania, Mheshimiwa Jakaya Mrisho Kikwete leo amefanya mabadiliko madogo katika Baraza la Mawaziri kama ifuatavyo:

MAWAZIRI:

1.1 Wizara ya Miundombinu:

Mheshimiwa Dk. Shukuru J. Kawambwa ameteuliwa kuwa Waziri mpya wa Miundombinu. Mheshimiwa Kawambwa anatokea Wizara ya Mawasiliano, Sayansi na Teknolojia

1.2 Wizara ya Mawasiliano, Sayansi na Teknolojia:

Profesa Peter M. Msolla anakuwa Waziri

1.3 Waziri wa Nchi-Ofisi ya Waziri Mkuu – TAMISEMI

Mhe. Celina O. Kombani ameteuliwa kuwa Waziri wa Nchi-Ofisi ya Waziri Mkuu – TAMISEMI. Mheshimiwa Celina Kombani alikuwa ni Naibu Waziri wa Waziri wa Nchi Ofisi ya Waziri Mkuu - TAMISEMI.


1.4 Wizara ya Kilimo, Chakula na Ushirika

Mhe. Stephen M. Wassira - ameteuliwa kuwa Waziri wa Kilimo, Chakula na Ushirika. Mheshimiwa Wassira anatokea Ofisi ya Waziri Mkuu – TAMISEMI.


NAIBU MAWAZIRI

1.5 Ofisi ya Waziri Mkuu – TAMISEMI

Mhe. Aggrey Mwandri, Mbunge wa SIHA.

1.6 Miundombinu

Mheshimiwa Ezekia Chibulunje (anahama kutoka Wizara ya Kazi)

1.7 Wizara ya Kazi, Ajira na Maendeleo ya Vijana

Mhe. Dr. Milton M. Mahanga (anahamia kutoka Miundombinu)